სტენტირება; პოსტტუბერკულოზური ნაწიბუროვანი სტენოზი
პაციენტი 24 წლის ქალბატონი. ტუბსაწინააღმდეგო ქიმიოთერაპიის დასრულებიდან რამოდენიმე თვეში გაუჩნდა ჩივილები: სპაზმური ხველა, ქოშინი, მსტვინავი სუნთქვა. გულმკერდის კტ კვლევით ინახა მარცხენა მთავარი ბრონქის ობტურაცია კარინის დონიდან სანატურის დიამეტრით 2მმ. ბრონქოსკოპიულად ინახა მარცხენა მთავარი ბრონქის ობტურაცია ქინძისთავის ზომის სანათურამდე და ფიბროზული ცვლილებები. ზოგადი გაუტკივარების პირობებში ჩაიდგა ბალონ-განშლადი, დაუფარავი სტენტი, რომელიც გაიშალა ინდეფლატორით 9 ატმოსფერომდე წნევით. სტენტირებისთანავე გაკეთებული ბრონქოგრაფიით ინახა გაშლილი მარცხენა მთავარი ბრონქი.
