პაციენტი 56 წლის მამაკაცი. მომართვამდე 2 თვის განმავლობაში პაციენტს ჰქონდა ქოშინი, შეტევითი ხასიათის ხველა, დაეწყო მაღალი ცხელება. გულმკერდის კტ კვლევით და ბრონქოსკოპიულად ინახა მარცხენა მთავარი ბრონქის ენდობრონქიალური წარმონაქმნი, რომელიც მთლიანად ახშობდა სანათურს. მდგომარეობის გაუარესების გამო, საციცოცხლო ჩვენებით პაც-ს გაუკეთდა ლაზერული რეზექცია რიგიდული ბრონქოსკოპით, VELASTM 30W დიოდის ლაზერის გამოყენებით. სანათურის გამავლობის აღდგენისთანავე ატელექტაზირებული ქვ/წილიდან წამოვიდა დიდი რაოდენობით ჩირქოვანი შიგთავსი. მანიპულაციისშემდგომი კონსერვატიული ანტიბიოტიკოთერაპიის შედეგად პაც-ი თავს კარგად გრძნობს.